Friday, December 21, 2007
arini kerumah nini Hjh Rasiah, nini Hj Omar, ada acara doa selamat sempena bisnes bisdurang makin menjadi2. rumah niniku di sebarang jalan saja. masa kami baru saja masuk pagar sana, ada orang rumah cakap terketawa2 "eh eh, pelakon datang.. pelakon datang, lahhh... aku nada pen ni, cana kan minta sain.. " teehee... aku pulang terkajut. bisdurang meliat jua drama ku.. ahaks. ramai rupanya nini jamput arini. beliat2an pulang urang masa ku melintas. aku pun galak rasa. macam, dalam pikiranku "bajuku kamah kah?", "tudongku terbalik kah?", "tertampang badak ku?"... haha.. nini kan pinjam DVD drama ku. kata mama, besuk tah saja.
lapas dari jamputan, aku ani kononnya kan jogging. ujan tia. di rumah tah ganya ku arini. aduiiii... lama sudah ku inda jogging. SEBULAN!!!
Dariah; 11:41 PM
