i won't start doing things, unless everything is perfect and ready to go
i am scared of my own capacity; i am not scared of failure, i am scared of success
when people know your ability and capacity, YES there is pressure to be fabulous
Saturday, September 26, 2009
atubah.. syam sama bum ahh, blog durang masih lagi "yeay yeay bisuk raya"
hahaha.. jadi timbul ilham ku kan mengatil durang
bah girls, this puisi is for you~
Seminggu udah beraya, blog kamu masih bulan puasa, kan mengUpdate, tapi gambar rah kamu, batah ku nunggu, nunggu gambar "sampai babulu" (eee expression saja tu ah~)
Dariah; 12:08 AM
Wednesday, September 23, 2009
mari renung kata2 yang ku susun khas buat GURU2 di mana saja berada.. yang baru, yang lama mahupun yang-baru-berGaji-hari.. eseh (mauTahJua) au bah au bah ani versi serious ni.. (badut part-time-inda-on-duty time ani) bah bah serious~ serious~
pernahkan kamu tanya "apa tugas guru sebenar2nya?" atau haruskah kamu perSoalkan tanggungjawab seorang Guru?
pernahkah kamu renung ke-berada-an kamu sekarang, kejayaan yang kamu perOlehi, atas kerja keras seorang guru? baik di dalam kelas mahupun di luar kelas, yang membentuk diri kita secara keseluruhan.. (eee.. jan tah kan ungkit2 jasa indung apa, ani cerita sal guru2 saja dulu).. bah sambung-sambung...
saya bertemu seseorang yang memang saya hormati sejak sekolah menengah, beliau berkata "apa saja kepayahan yang kita hadapi, yang memberi semangat adalah KAMU", sambung beliau "setelah melihat kamu mendapat kejayaan, ianya bermaksud bahawa saya telah menjalankan tugas saya"
kata2 tersebut memang memberi saya semangat, meluaskan pandangan saya ke pelbagai dimensi.. kemudian hati saya berbisik dengan rasa penuh kesyukuran "it is ok to be a teacher, yes, alhamdulillah".. memang benar ada yang berpendapat bahawa kerja sebagai guru tidak bernilai tinggi dan tidak memuaskan standard hidup masing2.. itu memang lumrah hidup, segala2nya tidak cukup, tidak sempurna, tidak glamour.. jikalau di tanya "kamu mau jadi guru?" selalu di jawab "inda mau, muridnya gila2".. cuba lihat nanti, jika murid yang 'gila2' tersebut jadi anak yang berguna, datang menemui kita dan berkata "terima kasih cigu".. bukankah tinggi nilainya tugas seorang guru? tidakah ianya memuaskan jika ini berlaku?
jangan senang2 menilai tugas seorang guru.. yang layak menilai hanya guru tersebut..
bapa saya sendiri berkata "jauh mencari ilmu, akhirnya jadi guru jua"... dimana2 status guru memang di pandang rendah... kata2 bapaku memang benar, jauh2 seberang lautan mencari ilmu, yang ku dapati kerja 'kebanyakan'.. pada mulanya saya tidak gemar akan GURU, hanya redha akan rezeki sebagai seorang ahli biasiswa.. tapi apa yang dapat ku fahami, lebih baik aku mula dari bawah; jikalau aku jatuh tidak jauh gugurnya, jika sudah jauh ke atas, plateform ku sudah keras..
akan ku jalankan tugas ku sebaik mungkin, insyaAllah
erti kata lain "mun berani JADI-CIGU-BAH" hehehe
~Selamat Hari Guru~
Dariah; 10:31 PM
Tuesday, September 22, 2009
eh eh.. atubah... arini aku tiDuuurrrRRRR ja.. ish ish ish... pagi bangun, malas2an liat tv.. tengahari masuk bilik tidur balik.. asta.. panya ada keluarga Angah Zubaidah, Basai, dan abg Ajee datang beraya tadi patang.. inda ku kana banguni ehh.. hmmm ataupun aku sedang bermimpi beraya.. hahaha..
eee bisuk keraja :P
Dariah; 8:15 PM
Monday, September 21, 2009
Hari Raya Hari Raya.. kamu kamu kamu~ atubah tadi pagi aku nyanyi2 lagu raya...
aku: Selamat Hari Raya Urang-di-dapur: auweh, urang baru merasai beRaya di Brunei ni~
bagus eh aku KanaBagiChan.. jadinya, aku buleh OVER-OVER... lapas atu guna alasan atu as-long-as-i-can.. aheeee
rumah tua sama Bungsu Zainab rumah Angah Zubaidah sama ka Kiah (ani bini abg Ajee) aheee.. ka Kiah cam si Miss S rah GossipGirl kan? eh majal si GossipGirl nya ani~ sama abg Ajee dulu kana ucap mun aku kai songkok, abg Ajee kai tudong.. mua kami sama.. bisa pakai lagi? eee.. mun kamu kan tau rah angah ani pemes dengan tapak kudaNya~ tabal gi tu NutellaNya... she-yok di makan sama angah laki sama Pa Danan rumah Basai
atubah, time2 masuk, beg ganya tinggal di kerusi, urang2 ilangah ke jamban bisDia~
sama lampung bah, siapa over? bapaNya ka atau anakNya? kami berOver2 ramai.. kami turun dari Helicopter.. kekekeee rumah Angah Halimah
bersama Sifah tahniah dapat sambung Master Sifah~~
eh eh.. atubah.. ada pengUMUMan.. hehehe.. aku ukan kawin bulan 12 ani.. kekeke.. insyaAllah tahun dapan~ canatah jua.. baru masuk rumah angah Zubaidah tadi "eh Putih, kan kawin ko bulan 12 ani?" hahaha.. update jua udah tu durang ahh~
yeay yeay.. bisuk raya ke Dua~
Dariah; 10:05 PM
Sunday, September 20, 2009
kamu kamukamu~~ atubah.. di luar bilik ku~~
syok eh syok eh~
Dariah; 11:26 PM
kamu kamu~ atubah.. si bum, arah blog nya ia mention sal aribulan arini 20/09/2009.. ada tah urang kawin arini? sadang2 tah jua kan milih aribulan kan kawin ani.. eseh.. keJiwa.. bah, taun dapan sapa kan kawin 20/10/2010? it is ups for grabs ni.. booking tah one-year-advance.. :P erm.. untuk apa di buking one year in advance? hahah udah atu~
Dariah; 10:55 PM
atubah, aku kedapur baru ani..
kaka Dasimah membuat kek MataKucing.. sekali mengdangar ku urang radio berUcap-ucapan selamat ari raya.. jadi aku ani datang tia akal-ku..
aku: kepada bibi2 (bibiKu sama bibi Danisha), selamat ari raya.. aku-lagi: kepada kakaKu yang sedang membuat kek, bungsunya ingin mengucapkan selamat hari raya.., mun ku meses2 keRadio balum gerenti kamu mendangar, sayang saja usin baMeses..
kekekeke masih iski
Dariah; 8:43 PM
kamu KamuKAMU~~~ teehee.. SELAMAT HARI RAYA~ aku beraya di Brunei.. aheheheheee.. (senyum sampai ketelinga).
atubah (mana leh tinggal ni Pembukaan cerita ani~)
aku Iski tahap kapisan kan raya taun ani... (ee bagiAkuChan lah, 3 tahun dangar takbir raya yang cetak rompak saja).
aku beMSN sama Bum baru ni... aku: yeay yeay bisuk raya bum: iski kau ne eh, barutah beraya di sini aku: be-ra-bis, meng-E-top bum: aku inda berapa iski aku: eee jan ku di jangkiti tu~ aku berOver-over ni bum: over cana? aku: eee by ALL means necessary lah.. apa2 saja yang dapat di OVER-OVER kan.. dalam pelbagai segi
kekekeke... bah, selamat beraya, bercuti.. dan berOver lah bersamaku
Dariah; 8:07 PM
atubah... ehhh banyak cerita ku kali ani~~
kaka Dasimah buat cornflakes madu tadi, istimewa untuk melayan aku yang tiga-taun-inda-beraya-di-brunei.. mun kamu kan tau~ cornflakes ani, iatah favourite ku ni~ kalah udah tapak kuda~
udah atu, apalagi.. makan tah ku kan... eee aku makan ukannya macam secubit dua.. sabutul ani bah.. alahai.. bah, jan tah di padah rah ku apa bahan2nya.. aku tau pulang tu the-possible-ingredients.. tapi aku pajal jua makan..
parutku PUAS udah.. beranti tah ku sekajab.. minum aing, sekali sambung balik.. hahaha (bida jua bunyiNya aku atu ah udah beCerita di sini)...
nah, terima padahnya~~~ lapas makan conflakes madu atu tadi, aku makan nasi lah.. inda batah lapas atu ayung ku kamu~ cana truknya? hmmm patut ku cerita ka ah? hmmm aku threw-up bah..
cana ni, aku kan bedal ja makanan raya taun ani, motif ku kan beraya OVER-OVER.. manada main berPADA-PADA ni~~ tapi parutku inda biasa makan banyak2 ani.. kebiasahan udah makan sikit2.. iatah tu mun time sungkai, mana dapat tu tarus makan full-meal.. sanak sama paning ku tu... jadi, ani time2 raya ani nanti cana?? mun nyaman makanan atu inda jua ku dapat control tu~
nda apalah, bisuk2 ku ingaukan cana haha apa nya urang "nda papa, bisuk nyasal" eh, 'urang'? bukanNya aku kan tu yang bePadah? haha
Dariah; 12:53 AM
atubah, pasal wayang JanganPandangBelakang ah..
yang original memang yang JanganPandangBelakang lah ahh.. sekali yang versi Cali - JanganPandangBelakang Congkak..
udah-nya-atu baaaaaaaaaarRRRRRuuuu ku paham bahh.. aku paham ani selepas labih sebulan aku liat wayang Congkak ani plg...
ok ok cani.. ku pikir titleNya ani macam.. Jangan Pandang Belakang, Congkak (mun di sabut - jangan pandang belakang COMA congkak, catu~)
rupa-RUPA-nya.. mun kan di pahamkan motif di TAMBAH perkataan CONGKAK ani.. cani, "jangan pandang di belakang congkak atu" ish ish ish...
membuang masa kan lapas kamu baca post ku ani? hahaha~
Dariah; 12:22 AM
atubah, antadi pagi masa2 keraja.. kami main gaban bila raya..
aku: eee bisuk ari minggu raya ni staff 1: banar deh? yesh!! aku mau pulang tu raya bisuk staff 2: ey, inda nampak anak bulan ni staff 3: (diam saja, sibuk meManik baju raya) aku: asta, mama bulan tadi message aku udah, ia di hospital masa ni..
that got me thinking, bapa bulan mana ah?
Dariah; 12:18 AM
Saturday, September 19, 2009
atubah... aku kacau Hjh saja sebatah2 ani.. aku main "hjh-bahapa-kau?-aku-on-the-way-ke-rumah-mu-udah" rahNya...
aritu aku bawa ia jalan kan membali produk SkinFood (SF).. tu sabunku abis.. hehehe..
Staff SF: yang ani untuk whitening (liatkan butul) me: eh, aku ani inda cukup putih ka? Staff SF: sama yang ani, untuk tone up the body hjh: bagus tu Dah, (tunjukkan biceps) untuk pejalkan ani.. me: eseh bah.. (dalam pikiran) yang lain buleh dipejalkan juwa? kekekeke
sekali, ari kamis aku talipun lagi si Hjh.. hahaha.. eeee durang bis si Syam sama Bum inda belaku bah~~
ok ok.. iatah ari kamis atu aku kan liat2 kerita.. hahaha.. biasanya, urang2 karang ani mun kan raya, paling2 pun meliat sopa.. aku meliat kerita.. aheeeee
eeeee aku terjatuh-terguring-limpang-keDebak-Debum cinta rah kerita aniiiiiii eeeeeee... cana ni cana ni... mesti kutip ampau banyak2 supaya dapat bayar first monthly payment.. wawawawaa
se-kali-kan aku ani sampai udah ngantar balik hjh kerumah.. dua-kali-kan lupa tah ku kan singgah rah SF.. eeee aku kan bali LoosePowder bah... supaya sanang ku baUsai time raya.. ngalih ku kan berMakeup the-whole-package atu... kan baUdu gi apa
iatah masa kami sampai atu... aku cuba2 lah LoosePowder ani.... eeee tiga-kali-kan aku cuba tia juWa segala blusher, mascara, eyeliner.. eeee membali tah ku jua barang2 yang lain atuuuuu... tapi aku inda bali eyeliner lah.. atu aku leh pakai yang aku punya..
eeee ia punya mascara chantique!! ia punya blusher she-yok.. teehee pastu-pastu.. aku bali yang-mendamiti-pores.. atu she-yok jua...
ni nah usulnya~ inda ku practice rah si hjh, payah karang ia kan meRemove
empat-kali-kan malam atu ada acara rah rumah abg Darussani.. familyNya menYungkaikan.. halamanNya BASAR~~~ bis Perempuan kami belakang: ka Dasimah dapan: siti-lewey, ka Dk, niece-fatin, Erah, ka Nurul, niece-Zimah dahriah, ka Dahlia, niece Danisha aku tapakai banar SF ahhh.. aku slowly berEdar dari SK-II ke SkinFood ni...
bah bila raya?
Dariah; 8:25 AM
Monday, September 14, 2009
atubah, si Hjh dari time2 di Aussie udah di suruhnya ku meliat Upin & Ipin ani.. ada udah ritu ku terLiat di Astro, sekali sekajab ganya ah mainnya.. mamaku pun terkidum2 meliat.. hahaha
kekeke.. sekali aku cari rah youtube..ketagih~ sambung2 ku meliat.. ani yang paling cali so far lah bagiku..
Dariah; 9:42 PM
atubah..(eh, tadi katanya kan diam?), dimalam aku liat Astro, ada main movie TheWomen.. she-yok.. pasal bini2 saja.. bini2 kawan rapat lahhh.. aku teringatkan gadis2ku.. esehh
macam "nanti kitani cani ka ni? nanti mun sorang2 udah kawin, atau bekeraja, ada hidup masing2"
inda lame lah cerita ani, aku SOKA-berabis-tahap-kapisan.. banar.. sampai macam "kalau nanti bachelorate night aku mau liat ani sama gadis2ku" esehhh angan2ku sejauh pandangan, seluas lautan udah ni..
Dariah; 9:21 AM
atubah, pagi2 selalunya abgku makai jamban sebalah... aku pakai jamban sebalahnya yang inda-pemes-kana-pakai.. abgku sorang ani, Dasrini, kami sama2 cigu~
sekalikan antadi.. hairanku.. inda bepakai jamban ahh.. eeeee DURANG CUTI SEKULAH KALI AHHHHH.... huhuhu... seandainya aku sedang berpuasa.. eh~ apa kena mengena dengan berpuasa? hahaha~
eh, "diam tah saja ku ehh" hahaha
Dariah; 9:15 AM
Saturday, September 12, 2009
atubah.. masa2 aku membaca blog si syam.. hehehe.. datang inspirasiku kan berPuisi.. ahaks.. inspirasi 1: Di-hati-mu
berLari2 ku mencaRi mu, dengan laRian yang seRba ayu, mengapa kau hilang sekelip mata, tapi inda papa, ku masih di hati Syamsina..
inspirasi 2: bestfriend si syam
(ehem2, misti tau irama lagu original ni, baru dapat nyanyi)
mari2 puan dengar ini cerita, si manis si syam asyik ahir balik saja, ada udah bestfriend BARU katanya, tentu dia BERABIS kana lanja..
sekali si syam kata "kaLAU liat barang, kamu aku bawa, mun kan membali aku BAWA bestfriend tia"
sekali kami kata "EHHH kami maWu juWa" bah, mun kaWu kana lanja bawa kami jua~
(repeat: kami berTiga rah si Syam) mun kaWu kana lanja bawaaaaaAAA, kaaaaMmmmiiiiii.... juuuuuWWwwwAAAaa..
mana ada lagu P.Ramlee :P
Dariah; 11:16 PM
Friday, September 11, 2009
atubah antadi..
si Bum sama Syam MSN aku.. tarus2 durang invite aku rah IM durang
syam: dah, si bum minta bawa jalan..
hahahaha.. aku suka tu main 'tarus2' atu.. :) :) :) this time aku inda drive sal kerita ku berService.. jadi si syam aga kami: aku, bum, hjh... kami the-fantastic-four~~ haha mesti berjalan berEmpat.. dulu2 biasanya berTiga saja siapatuNah yang baru masuk??
eee.. tadi atu bisDurang impulse-shopping.. ermmm si syam lah banyaknya.. si Bum andang berPlan udah ia kan membali... si syam timbul nafsunya kan membeli belah.. si hjh pun terkana.. hahaha~ yang sungguh menghairankan, AKU-INDA-BER-BELANJA.. lalallalaaa~
bah bila lagi? suka ku meliat kamu bali2 ah iatah rasanya ni kalau aku yang bali2
Dariah; 4:26 PM
bahapa nah ku kemarin? aku berFacial~ atu bah sal pori-poriku terlalu-mengExposekan-diriNya..
sekali kan.. rupanya.. nada main damiti-pores facial nya.. aritu pernah pulang ku berFacial di ZenSpa ani tapi inda ku ingat ada bepakai mesin atau inda.. sal aritu aku tertidur2 kali.. haha
tapi inda plg ku ngomplain, sal aku suka servicenya.. durang luah2kan black heads apa indah atu inda sakit bah.. bersih lah rasaku.. aheeee..
atubah jua, facialnya $40.. murah jua tu!!! produknya ngam lah arah ku, produk Intensive (kali lah) bagi urang2 yang malar berFacial kemurahan lah.. tapi mun di padah rah pelakian.. bagi durang mahal plg ni.. balum gi di padah facial yang $129 ringgit tu~ tuuuuu yang SK-II.. iatah udah tu harganya..
yang sadang2 mahalnya facial Alpha-H.. ranges from 60-70ish lah... tapi sayangnya agentnya yang ku biasa, MissingInAction.. huhu.. eeee.. aku bukannya selalu facial.. macam sekali-dalam-bulan-biru.. :) tapi tampat yang sama, catu~
mukaku payah sikit bah.. pemilih jua.. inda ku berani sembarangan cuba2 tampat lain.. ermmm unless kana lanja lah~~ ahaks.. canatah jua inda ku berani, sepanjang ku jadi anak muda mukaku byk landmark.. :P membariMalas..
adeh, bercerita tah ku udah tu
Dariah; 4:25 PM
Monday, September 07, 2009
atubah ari sabtu (5/9/9), aku merindui gadis2ku.. aku message durang sorang2.. Yesh! reaksi durang laju.. kekeke.. (iatah Hjh, aku tau ko Terawih iatah inda ku msg~) aku msg Bum sama Syam saja malam atu..
tapi inda plg bejalan sabtu atu.. aku saja bpadah rah durang aku rindu.. ahaks..
sekali dalam 12-ish bisuknya ada syam message
syam: aku boring me: hahaha apa ertinya tu???
tarus tah kami berbincang online.. sorang2 baru bangun.. biasalah main tabak saja kami kan jalan... udah syam kompom kan kul brapa ada tia urang main2-misscall-aku-macam-stail-urang-baCinta-time-di-Smja
si hjh misscall aku.. teehee.. aku talipun lah ia.. sekali, ia pun saling merindui.. kekekeke... jadi kisahnya aritu, aku ambil hjh dulu, pastu ambil si syam..
ok ok.. si Bum??? atubah.. hahahaha~ aku talipun si bum kan bpadah kan bejalan masa on the way ambil si Syam..
hjh: bum, kami di luar rumah mu udah. bum: (suara biasa bum yang baru bangun) huuuuuhhh... apeeehhh.. hjh: si Dah kan liat2 barang2 kawin
(awal2 si bum ani inda kan ikut)
me: eeee kan fitting baju brides maid niiiee~~ hahaha
inda semana2, mau tah ia ikut.. :)
se-kali-kan, aku bawa durang ani tah ke Kiulap, kiarong, delima.. liat2 pelamin, baju kawin, accessories... dua-kali-kan, masa aku bawa durang rah Nurhayana.. baru jua masuk, liat pelamin display, sorang2 tia rasa-kan-kawin... eeee.. si Lili pun catu tah jua time ku bawa ke sana.. kana baca2 kali kadai atu, nyuruh urang kawin... :P
siapa yang paling iski nah??? hahah si hjh bah.. iatah yang dulu liat2 gambar, liat2 baju.. duduk2 rah pelamin.. hahaha~
tiga-kali-kan... kami sungkai di luar.. di Coffee-zone.. ako-soka!!! $9.90 ganya ahhh.. pastu pastu, nyaman gi... bahgia lah time sungkai rasa ku..
bum, hjh (adiberadi lain bapa lain mama) dahriah, syam (gerenti bukan adiberadi) syok eh syok ehh.. terima kasih kamu~ sal mau jalan2 sama aku liat2 barang2 kawin.. walaupun barang2 cani ani kamu inda pernah buat.. kamu layan jua :) i had a great time sharing this experience with you girls.. jangan jara ah~
Dariah; 1:13 AM
Sunday, September 06, 2009
atubah.. kasut.. hmmm.. batah udah ku inda bali kasut di Brunei.. jadi kasut antaran ani cana? haha.. macam hati ku atu tetap membisikkan kadai2 kasut di Aussie.. huhu.. canaNi canaNi.. (gulek kiri gulek kanan).. jadi cana? kan ke Perth tah ni?? auwehhhh barang make-up ku lagi di Aussie ganya ada.. tuuu Napolean ahhh.. Brand Aussie jua tu.. huhuu
Dariah; 1:37 AM
Saturday, September 05, 2009
atubah.. aku ani kira2.. tulak/campur, kali/bahagi, surung/tarik, tarik/hembus belanja kan kawin ani bah..
jan tah kan di pikirkan belanja pelamin, baju pengantin, hantaran, etc.. tu belanja kem sama katering bah..
ok ok.. cani ceritanya.. ingat kamu time acara Doa Selamat di rumah ku?? atu baru doa selamat udah 300 urang kana jemput.. jadi, time ku kawin berapa?.. so, mengikut kajian seorang adik bungsu kepada 12 adik-beradik ani.. mun kawin2an.. kem2 atu mana main berLas-Las, main berLuh-Luh.. erti kata lain.. kem kawin selalunya 20 semuanya.. so, what was the issue?
here here.. satu kepala berapa catering ani? say $6 lah ahh.. ok ok.. udah atu say aku, eh salah, 'mamaku' memanggil 1000 urang.. maksudnya $6000 tah tu JustForTheCatering.. soooooo.. ok ok.. kira lagi kira lagi.. gajiku~~ hmmmm kan di simpan $1500 sebulan.. kira2 lagi.. 4 bulan simpanan tu kan mem-mampu-kan memanggil urang datang tu..
4 bulan ahhh?.. so mun kan kawin bulan 12, so, kira kira lagi start bulan berapa tu baik ku kan simpan untuk catering ani? lapan?.. ok bulan lapan... hmmm... jadinya belanja2 yang lain mesti selesai tah tu by August...
ok ok.. atu baru catering sama kem lah tu kali ahh.. kem selajur kali dengan catering.. antam lah..
sudah atu, barutah antaran, pelamin, baju, booohhh cincin lagi? hmmmm... cincin berapa? atubah aku mau jua kan bergambar2 sama bermake-up yang lawa2.. jadinya... jadi.. canatah tu?
ok jalan penyelesaian, 'mungkin'
1. mengEbay 2. ke negara Jiran (mun ampir macam ke Jiran rumah sebalah baik~) 3. running a Fund-raising for my wedding a.k.a Cuba-deh-sponsa-ku-kawin
masa yang paling kapih, masa mula bergaji time berElaun, iatah ganya masanya tani rasa Kaya tu
Dariah; 11:49 PM
Thursday, September 03, 2009
atubah.. (kebiasahan udah ni jadi pembukaan cerita)
Jumat lapas kami2 bis-gadis sungkai di luar.. all seven of us!!! awu~~ banar~~ syok eh syok ehh..
atu jua si Zimah kan belayar ke Singapore, training sal ia jadi urang askar udah.. ia ke singapore kan kana 'karas' kan.. eh Puan Zimah.. eseh..
Zimah, Bum, Dahriah alai, syam, hajah
durang yang ada camera2 sendiri atu bgambar tah ganya.. ehehe aku pun mau juwa~~ :P si Erma ahir sikit, sal ia jadi urang minyak udah.. eh eh.. bukan bukan.. apani.. urang Belait, eh apakan banarnya keraja nya ani? yg penting ia keraja sama bis-PengGali minyak di Belait
Erma, Bum
after so many years, re-You-nited again :D sekalikan.. cerita yang paling kana ketawakan sal siapanah??? :P membali malas durang ani.. bersambung2 lagi tu cerita durang ahh.. pastu ada lagi yang meng'awu'kan cerita yang durang ungkit atu.. im-feeling-the-love girls~ :P mun kamu kan tau kisah yang durang ungkit ani 10 tahun yang lalu bah.. aku sendiri pun inda ingat.. haru ku ehh.. haha udah atu~~
mun yang 10 tahun dulu durang ingat, apatah lagi yang 4, 5 tahun dulu.. time2 kelas bio lagi.. bahhh.. jantah di sambung.. (tuuuu nah kann.. ada yang ketawa udah ahhh :P )
all of us so different yet we unite beautifully aku sayang kamu semua
Dariah; 10:35 PM
Wednesday, September 02, 2009
bahapa nah aku tadi patang? teeheeeeeee...
atubah, Arifin suruh aku ke kadai cincin, tanya2kan sal discount card.. sambil2 atu aku noleh2 lah rah cincin2 di sana.. huhu... (napa tu ter"huhu" atu?)
sebanyak2 kadai ku aga, hati tetap men-denyut-kan JL jewellery.. untuk menghindari daripada tidur-yang-beserta-bisikan-J-L-Jewellery aku aga jua kadai atu tadi.. teeheee.. owh yea aku jalan sama kaka Dahlia sama Siti-lewey-sipipi-lepew..
atubah jua, masa2 aku happy umpama a-girl-in-a-candy-shop kawan Arifin nampak aku liat2 cincin.. hahaha kedangaran ka ke-happy-an ku dari luar kadai?? lapas ia nagurkan aku atu, rupanya di padahnya Arifin tarus.. HAHAHAHA!!! sekali, tarus Arifin talipun aku.. teehee :D
i hope he agrees to look around at my dream jewellery shop. that shop makes me happy.. very warmth and i felt in love with that shop from the very first time i step my foot there..
when i was there the first time, i was like.. i wish someday my future husband would buy my wedding ring here...
excited
Dariah; 8:09 PM
Tuesday, September 01, 2009
atubah...
apanah?..
hehe.. arini aku first day jadi Form Teacher Form 4B.. registration time puasa kul 7.30-7.45.. sekali aku ani iski bah kan masuk awal.. kan kenal2an sama studentku.. sekali kan masuk macam 10 minit awal..
me: kan masuk klass ku ni collegue: huh? awal jua masih ni semangat jua ko me: awu eh, kan kenalan sama students ku collegue: eh kamu ni si Dah ah.. iski ya kan masuk klas ah.. me: eeeee... biacha waaaa... collegue: ahahaha~ awal2 saja tu semangat, bisuk2 inda cha.. me: (indakanabagichan) nyeh..
eseh.. aku form teacher la~~ atulah saja.. systemnya membari paning sikit..
mun urang ahir, ada byk jenis:L, P (late berabis without permission), P berunderline (late with permission).
yang absent ada lagi tu symbol2 nya.. alahai~
napa kan tu ahh teringat sal Teacher Paridah~ hehehe aku jadi anak didik Teacher Paridah ka? ahaks
Dariah; 11:40 PM
Bits & Pieces
Dariah 24
Leo Bruneian Sport Scientist
Fitness Enthusiast
PE Teacher
Inspired by everyone
A concise perfectionist
Always finishes everything she started
Things That Never Change
i love my husband
i love my family
i love my bestfriend
i love my cats
punctual, very
hates waiting