bismillah

@ week 26

24/07/2011

last sunday, kami balik ke kiulap (with separate cars). masa ku mendrive rah lane kanan atu, ada orang meRess di blakang. jadi aku ress lah dulu kan masuk ke kiri.. skali ada tah jua lane kanan ani bertutup. aku beranti mengajut, orang blakang pun inda sampat beranti... orang ngusai jalan raya atu jua, baru ia memasang pagar plastic atu bah.. ampir2 rah mengusai lagi. udah atu inda lagi ada warning macam melambai2 kai lampung.. ngam2 rah jalan beusai baru tah bepagar, bahaya jua tu..

anyways, since kami ali2 kerita malam atu, aku talipun abg, nangis2 kekajutan.. nasib jua baby inda tkana stering apa... kakiku ganya macam kancang2 sikit..

25/7/2011

bisuk2nya ari isnin aku keraja macam biasa, skali kan tghari atu kancang rasanya bahgian ari2 atu... ingau jua rasanya.. and baby pun nda berapa bergarak... tarus tah kami bawa emergency ptg atu..

masa sampai ke emergency RIPAS, tarus kana suruh ke LABOUR ROOM.. i was like WHAT????, SUBAHANALLAH... kana gito just incase contraction kuat, baby mesti keluar..

around 4.30ptg atu aku kana injik DEXA (Iakah jua tu namanya), untuk memantangkan paru2 baby. injection atu preparation just incase baby kan lahir, paru2 bleh berfungsi udah.. ingau lah ku masa atu, like mun banar beranak ari atu luan awal jua.. baru 6 bulan.. balum g bali apa2..

nda batah atu, aku kana suruh masuk WAD.. kana suruh stay sal aku sama baby mesti under observation.. udah ku tanya2 kan lagi.. inda jua pedah banar lah stay di wad, aku minta HOME LEAVE saja, sama jua rumah ampir hospital.

26/7/2011

bisuknya aku masuk WAD bebalik, kononnya bejumpa doctor kul 7.30 PAGI. skali apanah? kul 5 PATANG baru doctor masuk.. udah atu, ganya meliat rekodku, rasa parut.. udah atu jalan tah ia.. sekali sekali suruhnya g ku tinggal di WAD.. masih jua ku inda mau, HOME LEAVE saja lagi..

27/7/2011

arini doctor kan liat baby pakai ultrasound, liat placenta sama jantung baby, ok kah inda.. alhmadulillah semua ok.. aku kana check darah sama urine jua.. tunggu resultsnya saja.. alhamdulillah tghari atu balik tah ku.. inda lagi balik ke WAD..

ani aku kana bagi cuti 3 hari dari 28/7. ngalih banar rasanya badan atu, lamah lah.. baik jua kana bagi cuti atu.. inda ku tebangun rasanya..

masa ani, rehat2, baby pun makin basar.. hehe.. abg was like "eh, skajab tia basar?".. hehe. inda g perasan baby growing laju udah..