antadi aku ke kelas beranang pukol 10 pagi. sajuk arini. nasib baik jua kulamnya ada heater. Coach Chris cerita2 sal keselamatan masa beranang sama menyelamat orang lamas. lapas atu, bini2 kana suruh masuk ke kulam ranang yang di dalam, yang laki2 di luar. kesian~ durang ujan2 beranang, kami siuk~ kemarin aku beranang, patah hook goggleku.

tadi masih dapat di pakai. sangkut2 kan saja tia arah kacanya atu. masa kami kana bahgikan dalam 2 kumpulan atu, kami kana suruh beranang 4oom. AWUUUU.. 400M!!!! dalam berapa minit nah.. 13MINIT!!! hahaha.. kana periksa kami. lulus atau gagal lah kejadiannya arini... kata Coach Loana (penolong Chrish) buat saja yang ku mampu.

kami kana suruh buat 100m freestyle, 100m side stroke (teknik untuk menyelamat), 100m backstroke-life-saving (makai kaki katak), 100m breaststroke. aku pandai pulang beranang udah, ganya balum ku dapat beranang laju, terbranti2. aku beranang tadi 16+minit. kata Loana baguslah, sal aku baru jua belajar tahun ani. katanya nanti periksa lagi sekali. kata Loana lagi, kami andang kana bagi 2 percubaan, arini sama minggu ke lima nanti. siapa2 yang lulus arini, lapas lah.. yang gagal atu periksa lagi nanti.

lurus2 ku abis beranang, terlakap goggleku ahh.. nasib jua masanya tu ngam. jadi patangnya aku bali yang baru. yang mana nah?.. banar2 sama yang patah ah. sal, ia lawa, ngam di mata, pastu murah AUS$13+. yang lain atu, terlampau basar, mahal sama inda ngam. biasalah, orang di Australia ani basar2 kanak2nya.

sebelum ku bali goggle, aku ada kelas. PUBH 2208, pasal permakanan. siiiuuuuuk iskiku.. kelas ani pasal berapa banyak daging tani makan, berapa banyak gulayan, ruti, nasi, chokalet, macam2 lah... tarus ku praktikan tadi masa makan malam.. haha.. siuk jua subjek ku ani ahh.. semua dapat di praktikan tarus, alhamdulillah. bukan pulang pasal atu saja memanjang nanti. yang akan datang ani pasal komuniti yang lampuh, cara2 durang makan, masalah2 yang di hadapi... cara komuniti mengatasi masalah ani.. bla bla bla.. nanti lagi ku bercerita.