arini aku ke klinik gigi. gigiku ani, byk kan di tambal (kata doktor lah).. hahah denial jua aku tu~~

aku sampai ke klinik pukul 7.15 pagi. ku pikir aku tah awal ni.. sekali, ada udah orang. No 4 ku dapat. pukul brapa tah ni kalau kan dapat No 1?.. hahha mau jua tu~ tahun lapas, abis2 awal tah ku dapat No 2.

ok ok.. tadi kan, masa ku jumpa doktor gigi, kali ani aku terkana doktor cina bini2. aku punya first impression kan kedidia ani, MENGGARAGAS sama PENYANAK. haha, banar!!! masa ku duduk arah kerusi yang kana sediakan. di takan2 mesin penyiruk aing liur, nda mau distart. masa atu, assistantnya keluar kajab. masa ia masuk. dengan tone cina yang selalu menggaragas.. errrmmm macam Michelle Chin.. ingat kamu?. ah ia tah tu.. katanya.. "start kan ni.. start start".. dalam ati ku.. "eh dang.. relek bah.."

masa ia check gigiku.. di kurik sana, di kurik sini.. eeeeehhhhhh.. atu perkara biasa doktor buat pulang tu sebelum buat apa.. bukannya apa.. caranya mengurik atu wahh.. sembarana bah.. eeehhhhhhhh... balum lagi tu.. masa ia masukkan drill di kuuuuuuriknya bah ke dalam.. memang pulang catu kalau kan menambal.. tapi ahh.. slalunya doktor ani, bercerita ia dulu apa kan di buatnya.. tanyanya samada aku mau injik atau inda.. apa kah apa kah.. ani, tarus di bedalnya gusi ku. masa ia mendril atu.. ku naikkan tanganku inda ia mengelinga bah.. ehhhhhhhhhhh... luan jua jelamanya sorang ani. apanah katanya "bertambal andangnya sakit".. lam atiku "tau ku pulang.. ko atu inda tanya samada aku tahan sakit atau inda kalau ko kurik dalam banar".. pas atu barutah di injiknya gusi ku.. masa ia injik atu ahh.. sembarana berabis, cucuk2 nya tah ganya sampai tersurung jua kepala ku.. doktor yang lain, ada jua lagi di simpannya macam. masa durang menginjik inda ku kerasahan.. ani ia.. ehhhhhhhhhh... tanganku ternaik inda ia maduli.

suruhnya ku keluar kajab nunggu gusiku numb. lapas "kononnya" numb sudah gusi, suruhnya ku masuk balik.. APANAH... terasa sakit jua masih ia mendrill ahhhhhhh.. ehhhhhhhhhhhh...

eh adang tah ehhh.. kanyat2 utakku menulis ahhh.. bah, kamu nanti kalau kan bercek di klinik gigi atu.. mun terjumpa doktor cina bini2... baiktah kamu minta doktor lain... gila karang kamu leh nya...