ari ani, 1hb Ramadhan. hari pertama orang Perth puasa, berlainan dengan orang Brunei, Malaysia sama jua dengan orang Melbourne sama Sydney yang mana bisdurang atu puasa mulai kemarin udah.

tapi kan, yang hairannya, Perth ani basar kan, orang2 belajar2 di Murdoch sama Curtin puasa dari kemarin, kami orang UWA mulai arini.. hmmmmm... siapa tah lurus ni???? orang masjid di UWA kata puasa mulai Juma'at (arini), orang masjid di Murdoch sama Curtin kata ari Khamis. alahai~~ inda pandai kan serantak bah.. dari dulu udah. tahun lapas sama jua. kalau inda sama dengan Melbourne sama Sydney, atu barangkali dapat di terima pasal durang awal 2 jam. ani sama2 di Perth pun inda serantak... *sigh* kurang berkomunikasi bah durang ani. aku inda tau apa2, aku kana gitau ari juma'at baru mula uleh kawan2 ku yang dari Malaysia, aku tanya berabis pulang udah kemarin atu untuk mendapat kepastian. sekali, aku dapat tau universiti lain mula puasa kemarin masa makan malam. jadi, bukannya salah kami jua.

apa2pun Selamat Berpuasa kepada umat Islam semua. aku, Dahriah Binti Haji Abdul Manaf ingin mengambil kesempatan di bulan yang mula ani untuk memohon maaf kepada keluargaku, kekasihku, semua kawan2ku, di Brunei sama di Australia dan siapa2 saja yang kenal aku. semoga amalan kitani diterima oleh Allah. Amin